АЛЛАТРА ТВ ҳақида
АЛЛАТРА ТВ ҳақида
АЛЛАТРА ТВ — бу янги форматдаги халқаро интернет-телевидение. У одамларни Ердаги иқлим ўзгаришларини тадқиқ этиш, ушбу глобал ўзгаришларга таъсир этувчи омилларни ўрганиш, табиий офатларнинг кучайиши билан боғлиқ таҳдидлар ҳақида одамларни хабардор қилиш, шунингдек, иқлим билан боғлиқ вазиятдан чиқиш йўлини топиш мақсадида халқаро ҳамкорлик учун шароит яратиш йўлида одамларни бирлаштиришга қаратилган глобал медиа платформа.
АЛЛАТРА ТВ — бу «АЛЛАТРА» халқаро ижтимоий ҳаракатининг ижтимоий аҳамиятга эга, кенг кўламли лойиҳаси бўлиб, унинг мақсади дунёда демократик, маънавий, ахлоқий ва маданий қадриятларни оммалаштириш, одамларни уларнинг ўзларидаги ва жамиятдаги ижобий ўзгаришларга илҳомлантириш.
АЛЛАТРА ТВ эфирида
Ерда ва космосда глобал иқлим ўзгаришини кузатишга қаратилган дастурлар
Бутун сайёра бўйлаб бир ҳафта давомида содир бўлган катаклизмлар ҳақида табиий офатлар гувоҳларидан янгиликлар ва видео ҳисоботлар.
Иқлимшунослар, вулқоншунослар, сейсмологлар ва бошқа мутахассислар билан Ерда содир бўлаётган иқлим ўзгаришларига бағишланган интервьюлар
Фан, тарих, психология, маданият мавзуларига оид илмий-оммабоп видео лойиҳалар
Инсон ва жамият, ўз устида ишлаш, маънавий-ахлоқий баркамоллик мавзуларида блогерларнинг видео лойиҳалари
Кўнгилочар видео-контент
ALLATRA TV
БУНЁД ЭТИНГ ВА БИРЛАШТИРИНГ!
АЛЛАТРА ТВ — бу турли давлатларда инглиз, рус, француз, испан, португал, немис, хитой, япон, грузин ва бошқа кўпгина тилларда видеоларни намойиш этадиган интернет-каналлар.
АЛЛАТРА ТВ дастурларининг формати
- Интервьюлар - улардан кўзланган мақсад ижтимоий мавқеи, касби, имиджи ва бошқа нарсалардан қатъий назар ҳар бир иштирокчини аввалам бор Инсон сифатида кўрсатиб бериш. Ҳар бир инсонда мавжуд бўлган энг яхши фазилатларни очиб берувчи самимий мулоқот.
- Одамларни бирлаштиришга, жамиятда маънавий, демократик, маданий ва ахлоқий қадриятларни оммалаштиришга қаратилган тадбирларни ёритиш.
- Халқаро онлайн видеоконференциялар ва телекўприклар - турли давлатлардан минглаб локациялар бир вақтнинг ўзида уланиб, 10 ва ундан ортиқ тилларга синхрон таржималар билан онлайн трансляциялар.
- Турли соҳалардан бўлган мутахассислар иштирокидаги «Профессионаллар ўйини» формати, бу формат мутахассисларга ўз фикрларини эркин ифода этиш ва ўз соҳасида инсон ва жамият ҳаётини яхшилайдиган янги тушунчаларни ихтиро этиш имконини беради.
- Ҳар кимни қизиқтирган долзарб мавзулар бўйича дунё бўйлаб юз минглаб одамларнинг фикрини эшитиш имконини берадиган кенг кўламли халқаро ижтимоий видео-сўровлар.
- Иқлим ҳисоботлари, таҳлилий обзорлар ва сайёрамизда содир бўлаётган иқлим воқеаларининг гувоҳлари билан жонли эфирда воқеа жойларидан репортажлар; ўз вақтида ва ўзгартирилмаган ҳолда одамларнинг ўзи етказаётган маълумотлар.
ҲАМКОРЛИКНИНГ ЯНГИ ФОРМАТИ
АЛЛАТРА ТВнинг ўзига хослиги, бу жамиятнинг ўзидан чиқаётган ташаббус эканлигида. Видеоларни дунё бўйлаб одамлар ишидан бўш вақтида, кўнгилли асосда яратишади. Ҳамфикр ташаббускор инсонларнинг халқаро жамоаларида ҳар бир инсон бирлашиб, ўз ижодий салоҳиятини намоён этиши мумкин.
Одамлар аллақачон ҳаракат қилишяпди ва ўзлари демократик тамойилларга мос келадиган, энг яхши инсоний фазилатларни ривожлантиришга ёрдам берадиган ва ҳақиқатдан ҳам дунёни яхши томонга ўзгартирадиган ахборот майдонини яратишяпди.
АЛЛАТРА ТВ-даги барча видеоларнинг ўзига хос хусусияти шундаки, улар дунёда содир бўлаётган воқеалар ҳақида ҳалол ва ростгўй маълумотларни акс эттиради.
Дунё бўйлаб ҳар бир инсон АЛЛАТРА ТВга қўшилиб, ижтимоий муҳим масалаларни эркин муҳокамасида иштирок этиш, ўз фикрини билдириш, ҳамфикр одамларнинг халқаро жамоаси билан биргаликда видеолар яратиш ва шу каби бунёдкор ғояларни амалга ошириши мумкин!
