Ёнилғисиз генераторлар. Эркин жамият энергияси

Бугунги кунда, иқлим ўзининг ҳалокатли фазасига ҳали ўтмаган бир пайтда, биз доимий энергия танқислиги шароитида яшаяпмиз ва ундан фойдаланиш учун пул тўлашга мажбурмиз. Аслида эса биз мавжуд бўлиш имконияти учун пул тўлаймиз. Ушбу иқтисодий бўғиш  воситалари бу углеводородлар, атом энергетикаси ва гидроэнергетика. Яқин йилларда, бизга ҳозирда ишлаб чиқарилаётганидан кўра анча кўпроқ энергия керак бўлади. Лекин уни қаердан олишимиз керак? Масаланинг ечими – ёнилғисиз генераторларни оммавий тарзда ҳаётга тадбиқ этиш. Агар ЁСГ тадбиқ этилса, улар нафақат энергетика ва транспорт соҳаларида инқилоб яратиши, балки инсониятнинг ривожланиш йўлини ҳам буткул ўзгартириши мумкин. Тасаввур қилинг, биз сайёранинг исталган жойда ҳеч қандай симларсиз чекиз энергияга эга бўламиз! Британиялик профессор-ихтирочи Джон Сёрлнинг сўзларига кўра: «Табиатдаги ҳамма нарса қатъий қонунлар асосида қурилган, аммо биз уларни кўрмаймиз. Биз уларни кўра олмаймиз, чунки биз стандарт таълим олганмиз, шунинг учун биз кўр бўлиб қолганмиз. Онгимизни стереотиплар билан тўлдириб, биз ҳайрон бўлишни ва холисона изланиш қобилиятини йўқотдик. Биз ҳақиқатни борлигича эмас, балки бизга ўргатишганидай қабул қиламиз». Бу ҳужжатли фильм бошқача дунёқараш ҳақида, ҳақиқий воқелик, гениал олимлар ва уларнинг кашфиётлари ҳақида, ёнилғисиз генераторлар ёрдамида иқлим муаммоларини ноанъанавий ечимлари, ҳамда ёнилғисиз генераторларнинг ишлаш тамойили ҳақида! Бугун биз эволюцион сакраш бўсағасидамиз. Бу исботни талаб қилмайдиган аксиома. «ЁНИЛҒИСИЗ ГЕНЕРАТОРЛАР. ЭРКИН ЖАМИЯТ ЭНЕРГИЯСИ» фильми – бу биз учун янги даврнинг, янги уфқларнинг ва янги кашфиётларнинг бошланиши!