Антикульт тармоғи: Инсон ҳуқуқларининг поймол қилиниши ва демократия учун таҳдид | ЕХҲТ 2025

📍 2025 йилнинг октябрь ойида Варшавада бўлиб ўтган ЕХҲТнинг инсон ҳуқуқлари масалаларига бағишланган конференциясида, «АЛЛАТРА» халқаро ижтимоий ҳаракатининг чехиялик вакили Душан Валечек муҳим баёнот билан сўзга чиқди. Баёнот «Антикульт тармоғи: инсон ҳуқуқларининг бузилиши ва демократиянинг емирилиши» мавзусига бағишланган эди. Ўз нутқида «АЛЛАТРА» ҳаракати вакили «секталарга қарши кураш» ниқоби остида олиб борилаётган кенг кўламли таъқиблар, жамиятда нафрат уйғотиш ва камситишга асосланган тизим ҳақида сўз юритди. Душан Валечекнинг таъкидлашича, бу тармоқ Россиянинг РАЦИРС  тузилмаси ва унинг Москвадан мувофиқлаштириладиган Европадаги FECRIS платформаси билан боғлиқ экан. ⚠️ «Хавфли культларга қарши кураш» ниқоби остида диний озчиликларга, ҳуқуқ ҳимоячиларига, мустақил журналистларга, сиёсатчиларга ва алоҳида шахсларга қарши кампаниялар олиб борилмоқда. Фактларга қараганда молиявий ва сиёсий томондан қўллаб-қувватланаётган антикульт тузилмалар аллақачон жинсий зўравонликда, заиф одамларни эксплуатация қилишда ва давлат институтларининг ишига аралашишда айбланяпти. 🎙 Душан Валечек ЕХҲТнинг ялпи мажлисидаги нутқида, агар Европа мамлакатлари ушбу фаолиятга ҳуқуқий баҳо бермаса, Европадаги демократия жиддий хавф остида қолиши мумкинлигини қайд этди. У антикульт тармоқларининг жавобгарликдан четда қолмаслигини таъминлаш ва уларнинг фаолиятини қонунчилик доирасида кўриб чиқиш зарурлигини таъкидлаб, давлатларни тегишли чоралар кўришга чақирди.