АЛЛАТРА CОР30да: Иқлим муаммолари ҳамда микро- ва нанопластик таҳдидлари ҳақидаги илмий маълумотлар

«АЛЛАТРА» Халқаро ижтимоий ҳаракати Бразилиянинг Белен шаҳрида бўлиб ўтган  Бирлашган Миллатлар Ташкилотининг Иқлим ўзгариши бўйича доиравий конвенцияси (CОР30) иштирокчиларининг 30-конференциясида қатнашди. Ушбу анжуман ҳукуматлар, илмий доиралар, фуқаролик жамияти ҳамда халқаро ташкилотлар вакилларини бир майдонга жамлаб, долзарб иқлимий ва экологик муаммоларни муҳокама қилиш имконини яратди. Бразилияда ўтказилган COP30 анжумани Амазонка минтақасининг глобал иқлим учун аҳамиятини яна бир бор таъкидлар экан, ўрмон экотизимларининг йўқолиб бориши ва атроф-муҳитнинг ифлосланиши билан боғлиқ экологик хавф-хатарларга жамоатчилик эътиборини қаратди. Конференция давомида «АЛЛАТРА»  делегацияси расмий тадбирлар, эксперт муҳокамалари ҳамда ишчи учрашувларда фаол иштирок этди. «АЛЛАТРА» Глобал Тадқиқот Маркази микро- ва нанопластикнинг тарқалиши, уларнинг табиий жараёнларга таъсири ҳамда инсон саломатлигига эҳтимолий оқибатлари бўйича илмий хулосаларни тақдим қилди. Ҳисоботда нанопластикнинг атроф-муҳитда тўпланиши, тирик организмларга кириб бориши, шунингдек сурункали яллиғланиш жараёнлари ҳамда соғлиққа оид бошқа бузилишларга қўшаётган ҳиссаси батафсил ёритилди. «АЛЛАТРА» мутахассислари тақдим этган ноёб маълумотларда микро- ва нанопластикнинг электростатик зарядни тўплаш қобилиятига алоҳида эътибор қаратди. Чунки бундай хусусият пластик заррачаларнинг биологик механизмларга молекуляр даражада таъсир кўрсатишига шароит яратиб, инсон саломатлиги учун узоқ муддатли салбий оқибатларга олиб келиши мумкин. Репортажда илмий тақдимотлар, ҳукумат ва халқаро вакиллар билан учрашувлар, экологик ташаббуслар ва Амазонка туб аҳолиси билан алоқалар, шунингдек, океаннинг пластик ифлосланиши бўйича муҳокамалар ҳам ўз аксини топди. COP30 натижалари бугунги иқлим ва атроф-муҳит муаммоларига самарали ечим топиш учун фан, сиёсат ва фуқаролик жамиятининг биргаликдаги саъй-ҳаракатлари, ҳамда мувофиқлаштирилган халқаро ҳаракатлар талаб этилишини яққол намоён қилди.