Квант даражада сизни нима вайрон қиляпди?

Эгон Чолакян инсон организмида ҳаёт юксак даражада ташкиллаштирилган электр жараёнлари ҳисобига ушлаб турилишини тушунтиради — айнан мана шу жараёнлар соғлиқ ва биологик барқарорликнинг ҳақиқий пойдеворини ташкил этади. Ўзининг видеомурожаатида у қандай қилиб нанопластик заррачалари табиий ҳимоя тўсиқларини четлаб ўтиб, сезилмас тарзда танага  кириб боришини ҳамда нафақат ҳужайраларда, балки мия тўқималарида ҳам тўпланиб боришини тушунтириб беради. Шу билан бирга, у инсон биологиясида синтетик полимер заррачаларини таниш ёки нейтраллаштиришга мўлжалланган ҳеч қандай эволюцион механизмлар йўқлигини ҳам овоза қилади. Таҳлилнинг асосий қисмида нанопластик биоэлектрик регуляцияни бир нечта даражада бузиши ҳам муҳокама қилинади.  Доктор Чолакян нанопластикнинг электростатик хусусиятлари ион каналлари фаолиятига халақит беришини, митохондрияларда электрон ташиш жараёнини бузишини, АТФ ишлаб чиқарилишини блоклашини тушунтиради. Натижада оқсиллар, ДНК ва ҳужайра тузилмаларига зарар етказадиган оксидловчи стресс қўзғалади. У, шунингдек, қандай қилиб нанопластик оқсиллар ва ДНКнинг физик геометриясини ўзгартиришини ҳамда уларни функционал бўлмаган шаклларни қабул қилишга мажбур қилишини ҳам кўрсатиб беради. Бу эса ҳужайралар ўртасидаги координацияни издан чиқаради ва нейродегенератив жараёнлар ривожланиши учун замин яратади. Видеонинг якуний қисмида доктор Чолакян биологик электр энергиянинг квант ўлчамини кўриб чиқиб, спинга боғлиқ электронларни ташиш ҳамда хираль индукцияланган спин селективлиги (CISS) эффектига алоҳида тўхталиб ўтади. У нима учун мана шу квант механизмлар тирик тизимларда тартиб, аниқлик ва барқарорликни сақлаб туришда ҳал қилувчи аҳамиятга эга эканини, нанопластик эса хираль молекуляр тузилмаларни деформация қилиш орқали бу жараёнларни издан чиқаришини тушунтиради. Доктор Чолакяннинг хулосасига кўра, нанопластик — бу фақатгина маҳаллий токсик таъсир эмас, балки ҳаётнинг электр ва квант асосларига тизимли аралашув бўлиб, унга қарши курашиш учун принципиал жиҳатдан янги, физикага йўналтирилган ёндашувларни талаб этади.