СОВУҚ ФРОНТ | 2026 йил Иқлимнинг Сайёрага Қилган Зарбасидан Бошланди

2026 йил сайёрамиз аҳолисининг айримлари учун байрамлар билан эмас, балки уч ҳафта ичида барча қитъаларга таъсир кўрсатган бир қатор иқлим офатлари билан бошланди.  Шамол тезлиги 213 км/соатгача етган «Горетти» бўрони Европани фалаж қилиб қўйди, Сицилия бўғозидаги 16 метрлик тўлқин Ўрта ер денгизининг тарихий рекордини янгилади, Камчаткада эса 2,5 метрдан баланд қор уюмлари оқибатида юзага келган қор қамали сўнгги 50 йил ичидаги энг йирик ҳолатга айланди. Жанубий Америкада ёзнинг чилласида  Бразилияда ҳарорат +1,5 °C гача тушиб кетди, Чилида эса 42 даражали жазирама ўрмон ёнғинларини келтириб чиқариб, 20 кишининг ҳаётига зомин бўлди. Бу энди аномалиялар эмас — бу «оддий об-ҳаводан» фавқулодда вазиятга ўтиш соатлар ёки ҳатто дақиқалар ичида содир бўладиган янги воқелик. Австралияда қутқарувчилар ёнғинларга тайёргарлик кўраётган бир пайтда, 6 соат ичида ёғган 175 мм ёғингарчилик келтириб чиқарган тошқин уларни қамраб олди. Аргентинада одамлар пляжда қуёшда тобланаётган бир вақтда, баландлиги тахминан 5 метрга етган метеорологик цунами ўнлаб одамларни оқизиб кетди. Камчаткада аҳоли оддий бўронни кутаётган чоғда, 2,5 метргача кўтарилган қор уюмлари сабаб улар деярли беш кун уйларида қамалиб қолди. Томлардан қор кўчиши оқибатида икки кекса эркак ҳалок бўлди:  улардан бирини қор тагидан тирик ҳолда қазиб олишган бўлса-да, тез ёрдам машинаси тозаланмаган кўчалардан ўта олмади. Европада «Горетти» бўрони Францияга тезлиги 213 км/соатга етган рекорд шамоллар билан ташланди. 380 000 хонадон светсиз қолди, соҳил бўйи ҳудудлар сув остида қолди. Нидерландияда KLM авиакомпанияси антифриз етишмаслиги сабабли мингдан зиёд рейсларни бекор қилди. Германияда қор бўронлари темир йўл ҳаракатини фалаж қилиб қўйди, Бавариядаги музлаган йўлларда уч киши ҳалок бўлди. 20 январь куни «Гарри» бўрони Италия жанубига келиб урди: баландлиги 10 метрга етган тўлқинлар соҳилларни вайрон қилди, Сицилия бўғозида Ўрта ер денгизидаги кузатувлар тарихидаги энг баланд 16 метрлик тўлқин қайд этди. Буларнинг барчаси ташвишли факт фонида содир бўлмоқда: микро- ва нанопластик электростатик зарядни тўплаб, иқлим жараёнларининг фаол иштирокчисига айланди. У океан ва атмосфера ўртасидаги иссиқлик алмашинувини издан чиқариб, сайёрани улкан энергия аккумуляторига айлантирмоқда. Бу энергия бўронлар, қуюнлар ва аномал ёғингарчиликларнинг вайронали кучида ўз аксини топмоқда. Аммо энг хавфлиси, пластик заррачалар гематоэнцефалик тўсиқдан ўтиб, танқидий фикрлаш учун масъул бўлган миянинг қисмларини вайрон қилмоқда. Одамлар энг керак бўлган бир пайтда, хавф-хатарларни тўғри баҳолаш ва оқилона қарорлар қабул қилиш қобилиятини йўқотмоқда. Биз Сибирь плюмини бошқариладиган дегазациясини амалга ошириш учун вақтни қўлдан бой бердик. Бир атмосфера суви генераторлари каби тозалаш технологияларини глобал миқёсда жорий этиш имкониятини ҳам қўлдан бой бердик. Бироқ инсониятда ҳали ҳам сўнгги имконият бор: нанопластикни электростатик заряддан маҳрум қилиш йўлини топиш. Бу офатларнинг зўрайишини секинлаштиришнинг ягона йўли. Ҳаракатсизликда ўтган ҳар бир кун — бу янги қурбонлар. Кечиктирилган ҳар бир соат — бу янги вайрон бўлган ҳаётлар.